Ye Daulat Bhi Le Lo
Jagjit Singh
Download Indichords IOS App OR Android App for an ad-free experience with strumming patterns, auto-scrolling, progressions and song saving.
ye daulat bhii le lo,
ye shoharat bhii le lo
bhale chhin lo muzse meri javani
magar mujhako lautaa do
bachapan kaa saavan
vo kaagaz ki kashti vo barish ka pani
muhalle ki sabase purani nishani
vo budhiya jise bachche kehte the naani
vo naani ki baato me pariyo ka dera
vo chahare kii jhuriryo me
sadiyon kaa pheraa
bhulae nahi bhul sakta hai koi
vo chhoti si raate vo lambi kahani
kadi dhup me apane ghar se nikalna
vo chidiya vo bulbul vo titli pakadna
vo gudiya ki shadi me ladna jhagadna
vo jhuulon se giranaa
vo gir ke sambhalanaa
vo pital ke chhallo ke pyare se tohfe
vo tuuti hui chudiyo kii nishani
kabhii ret ke unche tiilon pe jaanaa
gharaunde banana banake mitana
vo masum chahat ki tasvir apani
vo khaabo khilauno kii
jaagir apani
na duniya ka gam tha na rishto ke bandhan
badi khubsurat thi vo zindgani
